Cantas cousas pasaron no mes de febreiro!!

E co Antrodio, vestidos de superheroes e superheroínas despedimos ao noso profe de prácticas, Jorge.

Todos desexamos que teña moita sorte e que volva pronto a vernos.

Grazas, Jorge.

Este mes de febreiro tamén fixemos outras actividades diferentes:

Recibimos a visita de Dana, a cadela lectora.

 

Algúns nenos e nenas do cole terán a oportunidade de ler con ela ao longo do curso, pero todas e todos puidemos coñecela, facer preguntas sobre a súa vida, acariñala... 

Tamén este mes de febreiro tivemos a oportunidade de prantar unha nova árbore no cole. Cada grupo, desde Educación Infantil ata 6º de Primaria plantamos unha árbore, que desexamos que medre san, forte e robusta coma nós.

Desexamos que a nosa árbore, que é un carballo, medre san, forte e robusta coma nós!

NADAL !!!

 Chegou o final do primeiro trimestre, chega o Nadal. Despois de facer os nosos traballos sobre os volcáns na clase, practicamos unha panxoliña para enviar aos nenos e nenas que están vivindo a situación da Palma.

Na clase preparamos unha mensaxe, onde lles enviamos o noso ÁNIMO! 

Aquí deixamos o noso ensaio na aula. Despois participamos con todos os nenos e nenas do colexio, e con todas as profesoras e profesores.

Botamos de menos a Manuela, que tivo que quedar na casa, pero seguro que ela tamén está encantada de compartir a mensaxe.

Tamén participamos na entrega de postais de Nadal para todos os compañeiros e compañeiras do centro. A de Manuela tamén está, por suposto. Mar encargouse de metela no buzón. Cada un de nós recibirá tamén unha postal de alguén do cole... 

E entregamos as nosas cartas aos "Reis Magos", aínda que a mascarilla e a distancia fan que sexa moi distinto, os nosos desexos e a nosa ilusión son os mesmos.

 

25 DE NOVEMBRO

O 25 de novembro é o día contra a violencia de xénero. Escoitamos esta canción e enchemos o colexio de bolboretas!

Dúas delas nos representaron no mural que compartimos con todos os nenos e nenas de primaria:

A de Roque e a de Sofía foron as elexidas para representarnos, pero o resto puxémolas na clase para acompañar un texto que explica por que o 25 de novembro é o día contra a violencia.

Durante varios días estivemos pintando os muros do cole, con debuxos e mensaxes alusivos á igualdade.

O primeiro paso era deixar o muro moi branco para poder facer os debuxos sobre el, e puxémonos mans á obra!

Aínda así, fixémolo sen ensuciarnos moito!

Pero aínda non rematamos...

Despois de deixar a parede ben branca comezamos coa cor :

E aínda seguimos sen rematar, faltan algúns detalles. É un traballo que require tempo, paciencia, compañeirismo, respecto...